Пет ипол месечно бебе, девојче, почина во Грција откако таткото наводно го оставил во автомобил со часови без надзор, пренесува дописникот на еМагазин од Солун.
Трагедијата се случи во градот Арта во северозападна Грција.
Според првичните информации во грчките медиуми родителите на девојчето наутро излегле од дома на работа. Таткото заминал со неа и требало да ја остави во градинка.
Кога мајката отишла да го земе бебето од градинка и открила дека го нема, веднаш му се јавила на сопругот кој брзо се вратил во автомобилот да ја бара нивната ќерка.
Тој наводно ја нашол својата ќерка онесвестена во автомобилот и со пена од устата. Веднаш била пренесена во болница, но починала.
Властите наредија обдукција за да се утврди точната причина за смртта на бебето, а родителите моментално се во болница и под седативи.
Фото: МЗ
Важно известување
Посети ја новата страница