еМагазин
Image default
Бизнис

Бензините поскапуваат, а дизелот поевтинува

Цената на бензините од ноќеска на полноќ се зголемува за половина до еден денар, а дизел горивата поевтинуваат за половина денар по литар, одлучи денеска Регулаторната комисија за енергетика (РКЕ).

Со одлуката се врши зголемување на малопродажните цени на нафтените деривати во просек за 0,26 отсто.

Малопродажната цена на ЕУРОСУПЕР БС-95 се зголемува за половина денар и ќе изнесува 67,5 денари, додека ЕУРОСУПЕР БС-98 поскапува за еден денар и ќе чини 70 денари за литар.

Малопродажните цени на ЕУРОДИЗЕЛ (Д-Е V) и на Екстра лесното масло за домаќинство (ЕЛ-1), се намалуваат за половина денар и ќе изнесуваат 61,5, односно 50 денари за литар.

Со одлуката на РКЕ за 0,302 денари за килограм се зголемува и малопродажната цена на мазутот М-1 НС и ќе чини 33,134 денари.

Како причина за новите цени на нафтените деривати од РКЕ ја посочуваат промената на референтните цени на нафтените деривати на светскиот пазар во изминатите седум дена и тоа зголемувањето кај бензинот во просек за околу 2,18 отсто и намалувањето за околу 1,5 отсто кај дизелот и за 1,94  отсто кај екстра лесното масло, како и за 0,29 отсто повисокиот курс на доларот во однос на денарот.

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

„Мирсат комерц“ од село Челопеци го доби тендерот на ЈП за државни патишта за чистење вреден 1,1 милион евра

Редакција

Објавен тендерот за избор на изведувач за изградба на гасниот интерконектор со Грција

Редакција

Заев негира незаконска набавка на вакцини од кинески „Синофарм“: Одевме и преку приватни компании и преку „Пауер Чајна“

Редакција

📢 Важно известување

Оваа веб-страница претставува архива (стар сајт) и повеќе не се ажурира.
За најнови информации и содржини, посетете ја нашата нова официјална страница:


👉 Посети ја новата страница