Самостојниот синдикат на новинари и медиумски работници (ССНМ) информира дека во соработка со Министерството за здравство обезбедени се бесплатни вакцини за сезонски грип за новинарите и медиумските работници постари од 50 години и за оние со хронична болест со шифра на болест со кои беше донесена одлука од Владата за нивно ослободување од работа со цел заштита од Ковид-19.
„Ве информираме дека според насоките од Министерството за здравство доколку некои од лицата кои го исполнуваат условот за вакцинирањето го прележале корона вирусот, a излегле од изолација пред помалку од еден месец НЕ СМЕАТ да се вакцинираат.
Ве молиме доколку има заинтересирани за вакцинирање од вашата медиумска компанија да ни доставите список на истите со наведување на име и презиме, година на раѓање и шифра на болест за ослободување од работа за хронично болните и да ни го доставите најдоцна до вторник (17 ноември) на електронската адреса на членот на ИО на ССНМ, Тамара Грнчароска tamara.grncaroska@gmail.com,“ информираат од таму.
