По вчерашниот вооружен грабеж што се случи во 10.36 минути во експозитурата на НЛБ Банка во Чаир, клиентите и вработените на Банката се безбедни и во добра состојба, информираат од банката.
„Двајцата вработени во експозитурата кои беа полесно повредени се пуштени на домашно лекување. Дополнително, работникот на обезбедување кој, исто така, беше повреден при грабежот по укажаната лекарска помош е добро и е пуштен на домашно лекување. Експозитурата во Чаир не работи во моментот и ќе продолжи тековно да ги опслужува клиентите од 17.4.2019 година.
Со истрагата е утврдено дека при грабежот се одземени 150.000 евра. Банката продолжува да работи редовно и да соработува со надлежните органи за најбрзо и ефикасно решавање на случајот“, се вели во соопштението.
ПОВРЗАНИ ВЕСТИ
НЛБ банка за грабежот: Клиентите и вработените се безбедни и во добра состојба
Пукотници во Чаир: Еден повреден при вооружен грабеж на НЛБ Банка