БИМ АД Свети Николе за периодот јануари – септември 2019 година оствари позитивен финансиски резултат искажан во неревидираниот Биланс на успех, информираат од компанијата преку Македонската берза.
“Во периодот од 01.01 до 30.09 2019 година БИМ АД Свети Николе оствари нето добивка од 20.294.000 денари.
За деветте месеци остварен е приход од продажба во износ од 315.396.000 денари. По структурата на застапеност во вкупните приходи, приходите од домашен пазар учествуваат со 49,24 %, додека од странскиот пазар со 50,76 %.
Оперативните расходите за првите девет месеци од оваа година изнесуваат 290.416.000 денари и се поголеми во однос на истиот период од претходната година. Најголемо учество во вкупните трошоци имаат потрошените суровини и репроматеријали и изнесуваат 243.762.000 денари“, велат од компанијата.