БИМ АД Свети Николе за периодот јануари – јуни 2018 година оствари позитивен финансиски резултат, нето добивка по оданочување во износ од 19.167.000 денари, соопшти компанијата преку Македонската берза.
„За првите шест месеци од 2018 година остварен е приход од продажба во износ од 167.309.000 денари.По структура на застапеност, приходите од домашен пазар учествуваат со 65,92 %, додека од странскиот пазар со 34,08 %. Приходите од продажба на домашен пазар бележат пад од 6 % во споредба со истиот период од 2017 година, додека приходите од продажба на странскиот пазар бележат зголемување за 6% во споредба со 2017 година.
Оперативните расходите за првите шест месеци од оваа година изнесуваат 149.814.000 денари и бележат зголемување за 2% во однос на истиот период од 2017 година. Најголемо учество во расходите имаат потрошените суровини и репроматеријали и изнесуваат 122.170.000 денари„, велат од компанијата.