Во преполната просторија на ИноФЕИТ и прекрасна атмосфера, вчера (20 февруари) Per-Erik Persson ја сподели со нас „тајната состојка“ позади успешните скандинавски старт-ап компании.
Годинешниот Startup Grind Fireside Chat го водеше Теодора Николовска – основач и CEO на Vrootok кои се вооедно и организатори на овој настан. Низ нивниот разговор успеавме да дознаеме многу повеќе за скандинавското лидерство и „рецептот“ за успех на стартапите во овие земји.
Активностите продолжуваат и денес, со петчасовната работилница во Јавна Соба/Public room, на која учесниците ќе научат како ефикасно да го менаџираат нивниот тим, користејќи техники на најуспешните шведски тимови.
Работилницата е наменета за HR менаџери, сопственици на мали компании, тим лидери, менаџери на средно ниво. Темата на работилницата е „Со шведски пристап до ефикасен тим”, а учество ќе земат дел од поголемите компании во Македонија.
За повеќе информации и новости од работилницата следете ги Vrootok na социјалните медиуми Facebook и Instagram. Средствата од овие настани ќе бидат донирани во добротворни цели.