Моменталното производство на жичани производи во Брако изнесува 2.000 тона месечно, а во следниот период се планира овој капацитет да го зголеми производството за 50% и да достигне до 3.000 тона готови производи месечно, што го прави Брако континуирано еден од најголемите производители на жичани продукти, информираат од компанијата.
Станува збор за сериско производство со врвна технологија чиј асортиман е 90% наменет за извоз.
„Веќе ги реализираме и најново договорените пласмани за Чешка, Италија, а добиваме барања и за испораки во Гватемала, Чиле, Франција и Блискиот Исток,“ информира Љупчо Прентоски, директор на жичаното производство во Брако, кое опфаќа градежни и коилирани шајки, топло поцинкувана жица и нејзини преработки како универзално плетиво и бодликава, жарена и опружна жица.
Жичаните производи редовно се продаваат на територијата на поранешните југословенски републики, но и во Австрија, Унгарија, Романија, Бугарија, Грција, Италија и Албанија.
Важно известување
Посети ја новата страница