Британска државјанка, која синоќа падна во море од крузер, пронајдена е и спасена по девет часа, соопшти хрватското Министерство за одбрана.
Таа е пронајдена од припадниците на Крајбрежната стража на Цавтат, на оддалеченост од 60 наутички милји од Пула, односно 1,3 километри од местото каде падна во море од крузерот „Норвешка ѕвезда“.
Во потрагата по жената учествуваа авион, чамец на Пристанишната капетанија и три цивилни бродови.
Британката е во добра здравствена состојба и со брод е префрлена во Пула.
МИА
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.