Бројот на туристи зголемен за 38,3%

Во периодот јануари-октомври 2022, во однос на истиот период од претходната година, бројот на туристите е зголемен за 38,3%, покажуваат податоците на Државниот завод за статистика.

Кај домашните туристи има зголемување за 5,8%, а кај странските за 85,7%.

Бројот на ноќевањата, пак, е зголемен за 22,6%, кај домашните туристи има зголемување за 3,6%, а кај странските за 73%.

Бројот на туристите во октомври изнесувал 81.848, од кои 34,8% се домашни, а 65,2% се странски туристи. Истиот месец се евидентирани 180.003 ноќевања, од кои 41,8% се од домашните туристи, а 58,2% од странските.