На владина седница денеска помина предлог-буџетот за 2024 година, а истиот е 5,5 милијарди евра и е потежок за 3,4% од овогодинешниов.
Расходната страна е проектирана на 343,6 милијарди денари и истата е за 5,8 проценти повисока во однос на 2023 година, а приходите на 310,1 милијарди денари, повисоки за 10 проценти.
Буџетскиот дефицит е за околу 9,2 милијарди денари понизок во однос на 2023 година.
Во делот на приходите, вкупните даночни приходи се проектирани на 178,1 милијарди денари, што е за околу 10 проценти над износот на приходите планирани за годинава.
Најголем пораст е планиран кај приходите од данокот на личен доход кои се проектирани на 31,1 милијарди денари, што претставува раст од 17,4 проценти во однос на годинава.
Приходите од данокот на добивка се проектирани на ниво од 19,5 милијарди денари, приходите од данокот на додадена вредност на ниво од 80,7 милијарди денари, а приходите по основ на акцизи е предвидено да изнесуваат 31 милијарди денари.