Неколку месци по првата најава од Бугарија дека ќе и донира на Македонија вакцини против Ковид-19, конечно денеска бугарското Собрание донесе одлука за донација на над 50.000 вакцини од „Фајзер“ за земјава.
Како што пренесува Дојче веле, се очекува брза испорака на овие вакцини со оглед дека рокот им истекува на 30 септември.
„Конкретно за Северна Македонија, изборот е дали да ги уништиме или да ги подариме, затоа што на вакцините им истекува рокот до крајот на септември“, изјави за време на парламентарната дискусија, министерот за здравство Стојчо Кацаров.
Тој објасни дека компанијата „Фајзер“ не дозволила ниту една земја да обезбедува, продава или донира вакцини без ратификација од Народното собрание.
Според Кацаров, донацијата требало да се изврши во јуни, но поради проблеми со процедурите тоа не успеало.
Фото: МЗ