Во интервју за бугарскиот весник Труд, уредникот на порталот Трибуна.мк, Атанас Величков, меѓудругото открива и дека државата Бугарија го финансира медиумот кој го уредува.
„Трибуна се појави пред 5 и пол години. Идејата за самиот медиум е моја и на еден од моите најблиски луѓе – господинот Петар Колев. Кум на медиумот е професорот Георги Трендафилов.
Многу луѓе ни помогнаа низ годините. Веќе 2 години работиме на проекти на Министерството за надворешни работи на Бугарија, а за тоа да се случи главната заслуга има тимот на бугарската амбасада овде на чело со амбасадорот Ангел Ангелов и неговиот заменик Петар Петров“, одговара Величков на прашањето како се финансира порталот.
Една работа е што на порталот наместо актуелни вести од Македонија и Бугарија, доминираат коментари со негирање на Македонците и извртување на историјата, што е воочливо уште прво отварање, а друга дека оваа е уште еден доказ за постојаното мешање на Бугарија во внатрешните работи на Македонија и кршење на Договорот за пријателство, добрососедство и соработка.
Фото: Бугарско МНР/Трибуна