Министерство за надворешни работи на Бугарија денеска соопшти дека е подготвено да продолжи со потпишувањето на Протоколот, согласно член 12 од Договорот за пријателство и добрососедство со Македонија.
Како што јави дописникот на МИА од Софија, ваквото соопштение на бугарското МНР следи по вчерашната одлуката на Народното собрание на Бугарија со која се дава зелено светло на предлогот на француското претседателство за почеток на преговорите за пристапување на Македонија во ЕУ.
Во соопштението на Министерството се вели дека „е време одговорните фактори во Македонија не со зборови, туку со дела, да ја покажат својата посветеност и желба за сопствената и европската иднина на регионот“.
– Брзината со која Македонија ќе пристапи кон членство во Европската унија зависи од неа и нема да се одложи доколку земјата ги исполни преземените обврски во однос на европските вредности и добрососедските односи, се наведува во соопштението на бугарското Министерство за надворешни работи.
ПОВРЗАНИ ВЕСТИ
Бугарското Собрание го одобри “францускиот предлог“ за Македонија
Жестоки реакции за транспарентите „Македонија е Бугарија“ во бугарското Собрание, од ЕУ молк
МИА/Фото: МНР на Бугарија