Петмина од осудените за настаните во македонското Собрание од 27.април 2017 година, од Апелациониот суд побараа да бидат пуштени од притвор до правосилност на пресудите.
Станува збор за поранешниот директор на Бирото за јавна безбедност (БЈБ), Митко Чавков, осуден на 18 години затвор, Горан Ѓошевски, Душко Лазаров и Никола Митревски – Кољо, осудени на по 15 години затвор и Абдулфета Алими осуден на седум години затвор.
Адвокатот на Чавков, за укинување на притворот, му достави на судот извод од катастарот на Халкидики, со кој како што вели, се потврдува дека Чавков таму не поседува вила, што беше една од основите причини за определување на притворот.
За Чавков е понудена и активна правосилна гаранција од 600 илјади евра во недвижен имот.
Гаранцијата на Ѓошевски е 434 илјади евра, а на Лазаров, 770 илјади евра, во личен недвижен и имот на роднини.
За Алими, пак гарантира лидерот на Алијансата за Албанците, Зијадин Села.
ПОВРЗАНИ ВЕСТИ
Чавков на Фејсбук: Казната е драконска, вилата на Халкидики ако ја најдете ја поклонувам
Ќерката на Чавков: Ќе си лежи оној што ја измисли вилата на Халкидики
Фото: Фејсбук/Чавков/МВР