Пратениците од црногорското Собрание вчера го усвоија Законот за животно партнерство на лица од ист пол со кој се предвидува припадниците на ЛГБТ заедницата да имаат исти права како и хетеросексуалните парови, но без можност за усвојување деца, објави агенцијата МИНА.
За усвојување на законот гласаа 42 од вкупно 81 пратеник во Собранието.
Со законот се нормира издржувањето меѓу партнерите, старателството, а детално се регулирани и меѓусебните имотни односи.
Партнерите имаат право на наследство, а се регулира и нивниот даночен статус.
Надлежните во Црна Гора и ЛГБТ заедницата го поздравија законското решение и истакнаа дека е чекор напред во однос на заштитата на човековите права.
Официјалните претставници најавија дека ќе се донесат и подзаконски акти потребни за спроведување на законот, како и дека ќе има обуки во матичната служба за спроведување на новата регулатива.
Фото: Angus Young