Црногорскиот премиер Марковиќ: Македонија требаше да се грижи да не побегне Груевски

Црногорскиот премиер Душко Марковиќ изјави дека обврска на Македонија, а не на Црна Гора, била да се грижи да не побегне нејзиниот поранешен премиер Никола Груевски, пренесуваат црногорските медиуми.

Изјавата на Марковиќ доаѓа откако пред неколку дена македонскиот премиер Зоран Заев, јавно праша како четири земји, од кои три се членки на НАТО, меѓу кои и Црна Гора, дозволиле Груевски да избега.

Марковиќ му порача на Заев да се позанимава со прашањето зошто навреме не била распишана меѓународна потерница за Груевски.

Коментирајќи ја изјавата на Заев, Марковиќ рече дека Груевски низ Црна Гора минал на целосно законски начин, врз основа на личните документи кои ги имал.

ПОВРЗАНИ ВЕСТИ

Заев прашува како четири земји, три од нив членки на НАТО и наши пријатели, го дозволиле бегството на Груевски

Селфи со плакатите на Никола Груевски во Унгарија нов хит меѓу Македонците

Орбан: Немам време да дишам, а не пак да се сретнам со Груевски

Сопругата на Јанакиески: Донесете го Груевски и нека одговара за неговото бегство, а не заради него во притвор да лежат недолжни луѓе

Фото: Влада на Црна Гора/Фејсбук