Американски лекари откриле дека постои уште еден нов симптом кај пациенти со коронавирусот, што се манифестира со промена на бојата на прстите на нозете.
Кај заразени со ковид-19 прстите се црвени, како по изложеност на студ, објави Дејли Хералд.
Последен објавен симптом беше згрутчување на крвта, што може да предизвика мозочен удар.
Неодамна лекарите и пациентите открија и нов симптом, што го опишуваат како трпки по телото, што е знак дека телото во завршна фаза се бори со вирусот.
Останатите вообичаени симптоми вклучуваат треска, болки, тешко дишење, замор, сува кашлица, дијареја, а од друга страна, некои луѓе немаат никакви симптоми.
Евидентирани се и невролошки симптоми, вртоглавица и главоболка, атаксија што се опишува како недостаток на координација на движење, односно одење или кревање предмети.
Атаксијата може да влијае на говорот, голтањето и движење на очите.
Според најновите податоци, во светот со новиот коронавирус досега се заразени 2.732.702 лица.
Од нив починати се 191.150, а оздравеле 750.864 луѓе.
МИА
ПОВРЗАНИ ВЕСТИ
Национален рекорд: На 100 илјади жители 247,4 заболени од коронавирусот во Куманово
Со хронична и здравствена состојба, 27,5% од заболените со коронавирусот во Македонија
