Третата доза е поврзана со најмалку несакани ефекти споредено со првите две и е само едно освежување на имунитетот и давање на нови најмалку шест месеци безбедност, изјави за телевизија „Сител“, директорот на Институтот за имунологија, Александар Петличковски.
Тој појасни дека тие кои веќе примиле две вакцини не треба да стравуваат, стравот останува кај оние кои не примиле ниедна вакцина.
На прашање дали граѓаните мешањето на вакцини треба да ги плаши, Петличковски одговори дека апсолутно не треба да се плашат.
-Голем број студии во кои што се опфатени голем број на испитаници покажуваат дека различните вакцини кога се комбинираат дури и даваат подобар ефект отколку давање трета доза после две истоветни вакцини.
Податоците се јасни дека мешањето на вакцини е безбедно и нема простор за страв, рече Петличковски.
ПОВРЗАНИ ВЕСТИ
Епидемиологот Олумчев: Трета доза не значи неквалитетна вакцина, туку засилување на имунитетот
Доктор Мехмедовиќ за СП: Не е добро да се комбинираат вакцините, влегуваме на непознат терен
Фото: МЗ