Ана Марија, чиј што брат Никола ѝ донираше матични клетки, денеска си замина оздравена од Клиниката за хематологија.
„Ана Марија и нејзиниот мал брат Никола се деца за восхит. Ова деветгодишно весело момче што сака да биде фудбалер, е првиот донор на матични клетки во нашата земја со што ја спаси својата сестра.
На Ана Марија и беше извршена трансплантација на коскена срцевина и таа ја победи опасната болест.
Ова прекрасно семејство го запознав на Клиниката за хематологија, си заминаа од болница по долгиот третман, кој го водеше стручниот лекарски тим на Клиниката. На моите колеги им честитам за уште еден успех и триумф над опасната болест.
На Ана Марија и Никола им посакувам безброј среќни моменти и многу здравје,“ напиша министерот за здравство Венко Филипче на неговиот Фејсбук-профил.
Фото: Филипче/Фејсбук
Важно известување
Посети ја новата страница