Докторката од Детска клиника, Весна Мицевска во врска со заборавените деца во автомобил на паркинг во Ново Лисиче, рече дека вчера во 23 часот со возило на Брза помош и во придружба на полиција на Клиниката за детски болести Скопје донесени женско дете на возраст од седум години и машко на четиригодишна возраст.
„Во моментот на прием, на преглед оддавале впечаток на запуштени деца (валкани во нечисти алишта) во свесна состојба, исплашени, лесно дехидрирани, свесни со уредни витални параметри.
Децата се хоспитализирани на одделот пулмологија Б за обсервација, направени рутински лабораториски анализи со уреден наод и спроведена перорална рехидрација. Во тек на престојот во стабилна состојба. Истите се испишуваат во добра здравствена состојба“, рече Мицевска.
ПОВРЗАНИ ВЕСТИ
Во згрижувачко семејство сместени децата кои беа оставени во автомобил во Ново Лисиче
Две деца оставени сами во автомобил на паркинг во Ново Лисиче, пренесени в болница