„Трекс“ денеска со почеток во 9 часот наутро прават отворена треил трчанка низ пределот каде беше сниман македонскиот документарен филм „Медена земја”.
„Планот е да се истрчаат околу 30 километри на релација Дурфулија – Кишино – Беќирлија – Хисар – Дурфулија. Патеката би имала околу 1.000 метри висинско искачување низ ридест терен, но може да се очекуваат и авантуристички секции.
Настанот е отворен за секој што се чувствува спремен да истрча некоја слична дистанца. На терен ќе се формираат една или две групи во зависност од компактноста и темпото на движење.
Задолжителна опрема – ранче, јакна, ракавици, капче, вода, нешто ситно за јадење, лажичка за мед и добро расположение. Ќе следиме прогноза дополнително и ќе утврдиме ако е потребно нешто повеќе.
По трчањето може да одиме и на ручек, а секако, вечерта гледаме Оскари!! Доволен е фер исход – 50/50),“ велат организаторите.
ПОВРЗАНИ ВЕСТИ
(Фото) Медена тура: Воодушевени од Атиџе, велосипедисти возеа до нејзиното село Бекирлија