Денеска на врв на Водно се одржува настанот „НЕ низ Водно“, со кој ќе се упати порака против изградбата на гасоводот, против понатамошни минирања, копања, механизации, сечење на шумата, уништување на биодиверзитетот и бројни живеалишта.
„По испраќањето на пораката „Не низ Водно“ – од врвот на Водно, по 11 часот, оние кои не го виделе „местото на злосторот“, срамнетиот срт кај багерите, ќе може да се прошетаат со водичи, кои ќе им одговорат се’ што ги интересира во врска со трасата на гасоводот низ Водно, каде точно ќе поминува, што се уништува.
Одењето по срт не е напорно, поминува низ убав предел и може цела фамилија да го изоди, мали и големи.“ се вели на фејсбук-страницата „Го сакам Водно“.
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.