Во денешниот извештај на Институтот за јавно здравје е евидентирано и бебето од Скопје кое, на барање на родителите, со авион во понеделникот беше транспортирано во Швајцарија каде починало.
Бебето беше хоспитализирано на Детската клиника и имаше позитивен резултат на Ковид-19, информираа од Министерството за здравство.
Медиумите во Швајцарија пишуваат дека ова е прв смртен случај на дете позитивно на корона вирусот во таа земја.
Тамошните медиуми известуваат дека неговите родители живеат во кантонот Аргау, а случајот го истражуваат тамошните власти.
Бебетот живеело со неговата баба во Скопје, која исто така е позитивна на вирусот.
Тамошните здравствени власти за медиумите изјавија дека се уште не е јасно која е причината за смртта на бебето и потврдуваат дека било позитивно на Ковид-19.
Во Детската болница во Цирих било донесено во тешка состојба и имало тежок менингит.
ПОВРЗАНИ ВЕСТИ
Пет новопочинати од корона вирусот, меѓу нив и десетмесечно бебе
Кај жена од гостиварско пост мортум откриено присуство на Ковид-19, во изолација десетина лица