Во периодот кога загадувањето на воздухот и другите еколошки теми стануваат проблем број еден во државата, Владата одвои минимални средства од буџетот за 2020 година за заштита на животната средина.
Имено, расходната страна на предлог-буџетот за 2020 година е планирана на 239,7 милијарди денари или околу 3,8 милијарди евра, а само 0,5 отсто од овие пари или околу 19 милиони евра се наменети за заштита на животната средина,
Во предлог-буџетот се вели дека владината програма за заштита на животната средина опфаќа реализација на проекти од областа на заштитата и унапредувањето на животната средина, одржливиот развој, унапредување на квалитетот на почвата, водата и воздухот, заштита на биолошката разновидност, валоризација и ревалоризација на природните вредности, заштита на озонската обвивка и слично.
„Со истата се опфатени мерки и активности за обезбедување на поддршка и создавање на услови за заштита од загадување и деградација, како и заштита од штетното влијание врз медиумите и одделните области на животната средина“, пишува во предлог-буџетот.