Центарот за јавно здравје – Куманово во последните 24 часа регистрира девет новозаболени лица од Ковид-19, сите од Куманово и околните села, информираа денеска надлежните од установата.
„Сите новозаболени се од веќе познати кластери и имале контакти со член на семејство кој бил заразен. Во Липково по подолг временски период немаме новозаразено лице“, изјави директорот на установата, д-р Ариф Љатифи.
Денеска се извршени 70 тестирања, поголем дел се контролни тестови, а помал дел се извршени според епидемиолошки индикации и по „Мој Термин“.
Според податоците на Министерството за здравство, од почетокот на епидемијата, на подрачјето на Центарот за јавно здравје – Куманово со Ковид-19 дијагностицирани се 703 лица, од нив активни се 250 лица.
МИА/Фото: Општина Куманово
ПОВРЗАНИ ВЕСТИ
Убава вест: 74 оздравени пациенти од корона вирусот
Од корона вирусот починаа уште 4 лица
32,4% од заразените со корона вирусот во Македонија без симптоми