Одѕивот на гласањето на првиот круг од Претседателските избори до 13 часот изнесува 20,45 проценти.
Портпаролот на Државната изборна комисија, Љупка Гугучевска на прес-конференција соопшти дека од пристигнатите податоци од 75,57 отсто од избирачките места до 13 часот гласале 284.942 гласачи.
-На сите гласачки места од почетокот од 7 до 13 часот гласањето тече непрекинато и без проблем. Само едно гласачко место во Студеничани 2344 не е отворено и таму денеска гласањето нема да се одржи, соопшти Гугучевска.
Таа информираше дека во Охрид, Ново Село и Дебар каде има предвремени избори за градоначалници, гласањето тече непрекинато.
На овие избори на 3.480 гласачки места во 80 општини право на глас имаат 1.808.131 гласач.
МИА/Фото: ДИК
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.