Државната изборна комисија мора посериозно да си ја сфати улогата и наместо да ги моли кандидатите на претседателските избори да го почитуваат Изборниот законик треба да го санкционира секое прекршување.
А прекршување има бидејќи Стево Пендаровски и Гордана Силјановска Давкова не се симнаа од ТВ и Интернет иако изборната кампања се уште не е започната.
Во член 69а став 1 од Изборниот законик се вели дека: „За изборна кампања се смета јавно собирање и други јавни настани организирани од страна на учесникот во изборната кампања, јавно истакнување на плакати, видео презентации на јавни места, изборно медиумско и интернет претставување, дистрибуирање на печатени материјали и јавно претставување на потврдените кандидати од надлежните изборни органи и нивните програми“.
Ако кандидатите не се способни да ги почитуваат законите пред да почне кампањата, зошто граѓаните воопшто би им дале доверба за претседателски мандат.