Од истражниот затвор „Скопје“ ја известуваат јавноста дека директорот на затворот Ѓоко Котевски и формално ја поднесе својата оставка до Владата по настаните кои резултираа со физички пресметки во затворот на 21-ви овој месец.
-Покрај преземената одговорност од професионален и морален аспект, директорот подготви извештај за случувањата во затворот на 21 февруари во кој се констатирани пропусти и прекршувања на протоколите за работа од страна на службата за обезбебедување, се наведува во соопштението.
Како резултат на пропустите, како што е посочено, бил овозможен првиот вербален и физички, а подоцна не бил спречен вториот вербален и физички инцидент, иако постоеле можности инцидент за превенција.
Покрај оставката на директорот, согласно констататираните наоди во извештајот, покренати се дисциплински постапки за инволвирани лица кои ги прекршиле протоколите за работа.
Извештајот е доставен до Управата за извршување на санкции, до Министерството за правда и до Владата за натамошно постапување.
МИА/Фото: Влада
ПОВРЗАНИ ВЕСТИ
Судот одобри куќен притвор за Јанакиески, Ристовски останува во затвор
Ги откри ли командант Малишева напаѓачите на Јанакиески и Ристоски?