Во Општата болница во Гостивар евидентирани се три медицински лица кои биле позитивни на тестот за Ковид-19, изјави директорот на болницата, Јакуп Јакупи.
Во меѓувреме, додаде, се очекуваат и резултатите за уште шест медицински лица.
Директорот на општата болница „Д-р. Ферид Мурад“ запрашан за актуелната состојба на новинарите им ги соопшти како што рече последните информации.
– Нашите колеги кои имаат позитавни резултат на тестирањата не оделе на работа и тие биле во групите кои во тој период биле дома. Тој принцип го воведовме за да се избегнат меѓусебни контакти.
Тие засега остануваат во домашна излоација и немаат развиено симптоми, а очекуваме да им биде извршено повторно тестирање. Резултати се чекаат за уште шест вработени во болницата и тие од сигурносни причини се во излоција, рече Јакупи.
Во болницата биле тестирани вкупно 45 здравствени работници, а очекува од епидемиолозите да утврдат како дошло до инфицирање на медицинскиот персонал.
Јакупи нагласи дека во установата се вршат засилени мерки за заштита на персоналот и пациентите и заради околностите, како што рече, работата се одвива со намален обем.
Информацијата за осум инфицирани во гостиварската болница беше испратена од кабинетот на портпаролот на Владата на Република Северна Македонија како одогвор на прашањето од дописникот на МИА испратено по електронска пошта.
МИА/Фото: Општина Гостивар
ПОВРЗАНИ ВЕСТИ
Општините Центар Жупа и Дебар излегоа од карантин
Во Боговиње има 7, во Брвеница и Теарце по 5, а во Желино има 1 лице заболено со Ковид-19
Осум медицински лица од гостиварската болница заразени со Ковид-19