Дистрибутерот на Кока-Кола во Русија, Coca-Cola HBC, соопшти дека повеќе нема да произведува или продава свои пијалоци во таа држава. Клиентите на дистрибутерот ги трошат последните залихи.
Coca-Cola HBC произведува и полни пијалоци под брендовите Coca-Cola, Fanta, Sprite, BonAqua, Burn, Fuzetea, Rich, Schweppes, Powerade и други.
На почетокот на март, Кока-Кола објави дека ја прекинува работата во Русија. Главниот извршен директор на компанијата, Џејмс Квинси, подоцна изјави дека Кока-Кола може „во одреден момент целосно да исчезне“ од таа држава.
Во својот извештај за првиот квартал на 12 мај, Coca-Cola HBC соопшти дека ја прекинала испораката на концентрат во Русија уште на 8 март и дека ќе го намали присуството на рускиот пазар.
МИА
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.