Напад врз здравствен работник и здравствен соработник при вршење здравствена дејност е недозволиво и казниво според закон, соопшти Министерството за здравство.
Од Министерството посочуваат дека според Законот за здравствена заштита, член 304-г, (1) тој кој ќе нападне или сериозно се заканува дека ќе нападне здравствен работник и здравствен соработник при вршење здравствена дејност како службена дејност и давање на здравствени услуги, ќе се казни со парична казна или со затвор до три години.
Под став (2) се се вели дека ако при извршувањето на делото сторителот со употреба на оружје или друго опасно орудие го малтретира или го навредува здравствениот работник и/или здравствениот соработник или телесно го повреди, ќе се казни со затвор од шест месеци до пет години.
„Ако на здравствениот работник и/или здравствениот соработник му е нанесена тешка телесна повреда, сторителот ќе се казни со затвор од една до десет години. Ако сторителот на делото од ставовите (1) и (2) на овој член бил предизвикан со незаконито или грубо постапување на здравствениот работник и/или здравствениот соработник, може да се ослободи од казна“, наведуваат од Министерството и додаваат дека нема да дозволат физичко насилство врз медицинските лица кои секојдневно спасуваат животи во болници.
ПОВРЗАНИ ВЕСТИ
Осумднeвен притвор за браќата кои претепаа лекар во Тетово
Кривична пријава за браќата кои претепаа лекар во Тетово
Лекарската комора за инцидентот со лекарот: Насилството е почеста појава од што се зборува