До сабота ќе преовладува претежно стабилно време со постепен пораст на дневните температури.
Во недела и понеделник во попладневните часови ќе има развој на локална нестабилност со пороен дожд, грмежи и засилен ветер, соопшти Управата за хидрометеоролошки работи (УХМР).
Времето утре ќе биде сончево со мала до умерена локална облачност. Ќе дува слаб до умерен ветер од северен правец. Попладне во северозападните и североисточните делови ќе има услови за изолирана појава на краткотраен дожд. УВ индексот ќе биде 8.
Утринските температури ќе се движат од 10 до 20 степени, а дневните од 27 до 37 степени.
Во Скопје утринската температура до 17 степени, а дневната до 34 степени, информираат од УХМР.
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.