Не стивнуваат реакциите во Бугарија, но и во целата Европска Унија откако повторно се актуелизира аферата за незаконско издавање десетици илјади бугарски пасоши на лица од Македонија, Молдавија и другите земји од регионот.
Бугарските власти обвинија високи државни службеници пред се во тамошната Агенција за иселеници односно Бугари во странство, дека земале поткуп за полесно издавање пасоши.
Станува збор за разработена шема со која преку посредници овие функционери дебело заработувале за издавање на бугарски пасоши. Атрактивноста на бугарскиот пасош е во тоа што пазарот на труд во Европа станува достапен односно може без проблем да се работи во која било земја од ЕУ.
Податоците на бугарското Министерство за правда покажуваат дека само за една година барање за државјанство поднеле 10.000 Македонци.
„Јавна тајна“ е дека бугарски пасоши имаат и повеќе поранешни и сегашни македонски функционери кои се декларираат како патриоти и од петни жили трубат против промена на името на државата, а всушност тие одамна ја смениле таковината.
Затоа, крајно време за промена на регулативата за избрани функционери во Македонија со кои лицата кои имаат странски пасош не би можеле да извршуваат јавни функции.