Доктор Беќаровски: Ревидирајте ја бесмислената одлука за прележаните од Ковид-19 и 45 дена заменете ги со логичните 9-12 месеци

Доктор Нико Беќаровски на својот Фејсбук профил ги повикува колегите од Комисијата за заразни болести да ја корегираат својата одлука која се однесува на прележаните од Ковид-19, кои според последните владини мерки меѓудругото можат да влезат во објекти само во првите 45 дена по оздравувањето од вирусот.

“Почитувани колеги, членови на здравствената комисија, Ве замолувам!

На првиот состанок ревидирајте ја бесмисленоста на одлуката ЗА ВИСТИНСКИ ПРЕЛЕЖАНИТЕ ОД КОВИД-19 и 45 дена заменете ги со логичните 9-12 месеци.

Тие луѓе веќе поминаа една голгота, ИМААТ ИМУНИТЕТ и не ги терајте со сила во прегратките на антиваксерските промотори.

Одлуката еден ден по прва доза да се имаат сите права е медицински и епидемиолошки неиздржана и е погрешен начин за стимулација на вакцинацијата !!!!

Драги колеги, да останеме тоа што најдобро го знаеме, ДОКТОРИ, а не политиканти!!!“, пишува тој

ПОВРЗАНИ ВЕСТИ

Доктор Кунгуловски: Прележаните од Ковид-19 имаат слична заштита како и вакцинираните, од каде излезе оваа со 45 дена

Доктор Пановски за дел од мерките: Носењето маска на планина и на нива не била толку глупава мерка, секогаш може поглупаво!

Фото: Фејсбук/Беќаровски