Доктор Горан Кунгуловски, коосновач на Лабораторијата за генетика и персонализирана медицина при Клиниката „Жан Митрев“ на својот Фејсбук, коментира за актуелната ситуација со вакцинацијата.
„Иницијалното сузбивање на SARS-CoV-2 пандемијата отсега, па натаму e возможно на еден начин:
- Вакцинација
Сузбивањето на нови епидемии со нови соеви на SARS-CoV-2 што ќе излегуваат во наредните години е возможно на еден начин:
- Ревакцинација со нова вакцина (нема да се чека за неа).
Почнуваш со иницијален имун одговор и заштита. И понатаму само го носиш тој имун одговор на додатни обуки за да добие нови вештини (борба со нови соеви).
Толку е просто.
Донесете вакцини и не релативизирајте. Додека ги донесете, намалете смртни исходи како знаете(ме) и умеете(ме).
Вакцинирајте се и не релативизирајте“, напиша тој вчера на Фејсбук.
Фото: Фејсбук/Кунгуловски