Доктор Никола Пановски смета дека, препораката на Комисијата за заразни болести за укинување на мерката за задолжително носење на маски во затворен простор, е оправдана.
-Сметам дека епидемолошката состојба во Македонија го дозволува овој потег и согласен сум со предлогот. Бројот на заразени на корона вирус овој период не е важен, кога има само 70 хоспитализирани и нула до три починати дневно, изјави Пановски за „Фокус“.
Денеска Комисијата препорача укинување на мерката за задолжително носење на маски во затворен простор со исклучок на здравствените установи, домовите кои згрижуваат постари лица, аптеките и јавниот превоз, како и укинување епидемиолошкото следење на контактите и последователната препорака за изолација на контактите.
ПОВРЗАНИ ВЕСТИ