Досега во Украина убиени 135 деца, соопшти Украинското обвинителство

Украинското обвинителство соопшти дека 135 деца се убиени, а 184 се ранети од почетокот на руската инвазија на Украина.

Во ажурираните податоци за неодамнешните жртви, властите посочуваат дека две деца биле убиени за време на жестоки борби во градот Рубижне, регионот Луганск, пренесува Би-Би-Си.

И вчера, две деца на возраст од шест и 13 години беа повредени во Новомихаиливка, регионот Доњецк, по руското гранатирање.

Обвинителите додадоа дека тројца тинејџери – на возраст од 13, 14 и 15 години – биле разнесени од мина во Обилне во регионот Запорожје. Тие се пренесени во болницата Мелитопол каде еден е во критична состојба на одделот за интензивна нега.

Би-Би-Си посочува дека не е можно да се потврдат информациите од независен извор.

ПОВРЗАНИ ВЕСТИ

НАТО отвара 4 нови бази во Унгарија, Романија, Бугарија и Словачка, како одговор за евентуални хемиски напад од Русија

ОН потврди за 36 случаи: Исчезнуваат Украинци во областите под контрола на Русија

МИА/Фото: Украинско министерство за одбрана