Потсекретарката на Обединети нации за политички прашања, Розмари Ди Карло синоќа побара истрага и одговорност за масовните жртви и уништувањето на стотици домови, училишта, болници и друга цивилна инфраструктура за време на руската инвазија врз Украина.
Таа пред Советот за безбедност на ОН изјави дека „меѓународното хуманитарно право е кристално јасно“ во забраната за напади врз цивили и обезбедувањето нивна заштита.
Ди Карло ги наведе најновите податоци на Канцеларијата за човекови права на ОН: од почетокот на војната до 15 март загинале 1.900 цивили, од кои 52 деца, а 1.174 се повредени.
– Според проценките на Програмата за развој на ОН (УНДП), доколку војната продолжи, 90 отсто од населението на Украина ќе се соочи со сиромаштија и екстремна економска ранливост, додека земјата и соседниот регион ќе се вратат децении наназад, посочи Дикарло.
ПОВРЗАНИ ВЕСТИ
Војната во Украина во Европа ја зголеми побарувачката за оружје од американско производство
(Видео) Како Украинците му одаваат почит на загинат војник, снимка која го обиколи светот
МИА/Фото: Украинско министерство за одбрана