ВМРО-ДПМНЕ во своите деловни книги на ден 31.12.2018 година има неизмирени обврски во износ 307.354.000 денари (околу 4,9 милиони евра), соопшти Државниот завод за ревизија по контролата на работењето на редовната сметка на партијата.
Ревизорите утврдиле дека 53,84 отсто од вкупните обврски се постари од три години, за кои не е даден предлог за нивно постапување/отпис, а 46,16 отсто не биле постари од три години.
„Заради надминување на ваквата состојба и подмирување на обврските одговорното лице на ВМРО-ДПМНЕ во 2018 и во 2019 година има склучено договори/спогодби за регулирање на меѓусебните права и обврски и плаќање на рати со 6 добавувачи во вкупен износ од 146.117.000 денари врз основа на кои во текот на 2018 година исплатени се 13.091.000 денари“, пишува во ревизорскиот извештај.
Во него, се додава дека од страна на одговорните лица било посочено дека причина за неизмирувањето на обврските е проблемот со ликвидноста на партијата со која се соочува повеќе години наназад.
Целиот извештај ТУКА.
ПОВРЗАНИ ВЕСТИ
ВМРО-ДПМНЕ на лидерската бара да се разговара и за условувањата од Бугарија
ВМРО-ДПМНЕ: Уставот е јасен, Собранието е веќе распуштено и не може повторно да заседава
ВМРО ДПМНЕ размислува да ја продава или изнајмува „Белата палата“: Колкава е нејзината вредност