Според податоците на Државниот завод за статистика, во второто тримесечје од 2019 година во земјава имало 7.430 слободни работни места односно стапката на слободни работни места изнесувала 1.44 %.
Највисока стапка на слободни работни места има секторот „Објекти за сместување и сервисни дејности со храна (4.13 %), додека најмала е стапката во секторот „Јавна управа и одбрана; задолжително социјално осигурување“, каде што изнесува 0.24 %.
Деловните субјекти со број на вработени од 10 до 49 имаат највисока стапка на слободни работни места која изнесува 1.92 %.
Југозападниот Регион има највисока стапка на слободни работни места која изнесува 3.19 %.
Најголем број слободни работни места, односно 2.944, има во петтата група на занимања – работници во услужни дејности и продажба.
