Од Министерството за здравство вчера информираа дека три лица заразени од корона вирусот починале на Клиниката за инфективни болести.
Станува збор за пациент од Велес (58) примен на 12 мај, пациент од Тетово (57) лекуван на клиниката од 22 април и уште еден пациент од Тетово (78), хоспитализиран на 11 мај.
Детали за починатите соопшти и Институтот за јавно здравје (ИЈЗ).
„Случаите се на возраст од 57-78 години, со присутни симптоми и хоспитализирани на КИБФС.
Два од случаите имале пропратни коморбидитети (хронична/здравствени состојби, н.з.).
Сите починати се без историја на патување и контакт со потврден случај во државата“, стои во анализата на ИЈЗ, која еМагазин секојдневно ја пренесува.
Вкупната бројка на починати поради компликации од коронавирусот во Македонија е 101.
ПОВРЗАНИ ВЕСТИ
81,4% од оздравените од коронавирусот во Македонија се лекувале дома
Најмногу активни случаи на Ковид-19 во Скопје, Куманово, Прилеп, Тетово и Велес
Пет лица од новозаразените со коронавирусот се со претходни заболувања