Пред неколку дена А.П. (28) во Скопје го уби својот татко (75).
ПОВРЗАНИ ВЕСТИ
Од Јавното обвинителство (ЈО) информираа дека тој му нанел повеќе убодни рани со нож по телото и главата, а кога убиениот се обидел да се одбрани, движејќи се кон ходникот, паднал на подот, а осомничениот продолжил да му нанесува убоди по целото тело додека не починал.
За здравствената состојба на убиецот се вршат вештачења, информираа од ЈО.
Фокус пак објави дека тој бил со нарушена психичка состојба и бил хоспитализиран во Психијатриската болница „Бардовци“, а информацијата ја потврди актуелниот директор на болницата, Мухин Арифи.
„Пациентот е по втор пат хоспитализиран во нашата болница како доброволна хоспитализација. Пациент кој е на доброволно лекување според протоколите може да ја напушти болницата на свое барање, сам или во придружба на член од семејството.
Во конкретниот случај, пациентот на пробен престој е земен од страна на таткото“, вели Арифи за Фокус.
Убиецот е во притвор.