Интерес да биде дел од министерскиот Самитот на ОБСЕ во Скопје, покажа и рускиот министер за надворешни работи, Сергеј Лавров.
Но, поради санкциите за Русија од страна на ЕУ, на кои им се придружи и Македонија, неговото доаѓање во земјава е неизвесно поради забраната за прелет на руски авиони.
Министерот за надворешни работи, Бујар Османи, во интервју за 360 степени вели дека процедурата за доаѓање на Лавров е започната.
-Во санкциите се вели дека за меѓународни организации како што е ОБСЕ е дозволен прелет, сепак одлуката е на земјите членки. Затоа нашите соседи ќе треба да одлучат, а и ние за нашиот воздушен простор, рече тој.
Османи во Скопје го очекува и шефот на американската дипломатија Ентони Блинкен, како и министрите за надворешни работи на Канада, Велика Британија и на други земји членки на НАТО и ЕУ, како и министри од централна Азија.
ПОВРЗАНИ ВЕСТИ
И рускиот министер Лавров сака да дојде на Самитот на ОБСЕ во Скопје