Ќе се воведува стручен испит за сметководителите

Министерство за финансии подготвува предлог на закон за вршење на сметководствени работи со кој меѓудругото се предвидува воведување стручен испит за сметководителите.

„Законот за вршење на сметководствени работи е донесен во 2012 година со цел уредување на условите за вршење на сметководствени услуги и формирање на Институт за сметководители и овластени сметководители.

Од досегашната примена на Законот се утврди потреба за доуредување на определени прашања поврзани со организацијата на Институтот, континуираното професионално усовршување, контролата на работењето, надзорот над работењето на Институтот, како и за воведување на стручен испит за влез во сметководствената професија.

Дополнително, мандатите на органи и комисии на Институтот се истечени или истекуваат, поради што има потреба и од уредување на начинот на избор на новиот состав на органите и комисиите на Институтот“, се вели во образложението објавено на Единствениот национален електронски регистар на прописи (ЕНЕР).