Ќе се вратат ли учениците во училишните клупи: СОНК денеска треба да се произнесе за предлогот на Владата за зголемување на платите од 10%

Веќе седум работни дена, децата не одат на училиште и губат од наставата поради штрајкот на наставниците.

Владата вчера на седница го повика Синдикатот за образование, наука и култура (СОНК) да го прифати покачувањето од 10 проценти, за кои е предвидена алокација на средства од буџетот.

Претседателот на СОНК, Јаким Неделков изјави дека денеска, Советот на СОНК ќе одлучува за оваа понуда на Владата и ќе се произнесе.

Во меѓувреме, штрајкот продолжува. Следните две недели, следува период на празници и неработни денови, што дополнително ја отежнува ситуацијата со загуби во образовниот процес.

ПОВРЗАНИ ВЕСТИ

Советот на СОНК утре на седница ќе го анализира предлогот на Владата за 10% покачување и ќе се произнесат

Владата го повика СОНК да го прифати покачувањето на платите од 10%

Фото: МИА