Министерот задолжен за дијаспора, Едмонд Адеми,на својот Фејсбук профил информира дека незаконското снимање на гласачите на референдумот за името во Мелбурн е пријавено кај властите во Австралија, а снимачите се идентификувани и ќе ги сносат законските последици.
„Чинот на снимање на гласачите пред конзулатот во Мелбурн од страна на неколку индивидуалци е спротивно на сите закони и вредности на демократијата.
Им честитам на тие граѓани кои водејќи се од националните и стратешките интереси на државата денес се одважија и го искористија своето загарантирано право на глас. Нивниот глас ќе се вреже во темелите на европска Македонија, како и гласот на сите други кои денес ќе гласаат.
Истовремено, инстутуциите на Република Македонија, се во контакт со Австралиските власти.
Случајот е пријавен, снимачите се идентификувани и ќе ги сносат сите законски последници согласно Австралиското законодавство.
Ги охрабрувам сите кои денес ќе гласаат во дипломатско-конзуларните претставнишвта без никаков страв да го искористат своето граѓанско право на глас“, пишува Адеми.
Фото: Фејсбук/Адеми
ПОВРЗАНИ ВЕСТИ
МВР: Ако некој Ве снима на утрешниот референдум пријавете