Во периодот 01.01- 30.06.2021 година Европа АД Скопје оствари вкупни бруто приходи во износ од 390.466.673 денари и истите се намалени за 0,5% во однос на бруто приходите од 2020 година за истиот период, информира компанијата преку Македонската берза.
“Вкупните оперативни приходи за период 01.01- 30.06.2021 година се зголемени за 2,6% во однос на истите во 2020 година. Приходите од домашен пазар се зголемени за 3,6% во однос на минатата година, додека пак приходите од странски пазар се зголемени за 1,2% во 2021 година во однос на 2020 година.
Останатите приходи се намалени за 44,8%, а финансиските приходи се зголемени за 51,4 % во однос на 2020 година.
Европа за периодот 01.01- 30.06.2021 година оствари добивка во износ од 38.432.970 денари и е помала во однос на претходната година за 10,1%.
Вкупните расходите се зголемени за 0,8% во однос на минатата година. Оперативните расходи во периодот 01.01- 30.06.2021 година се зголемени за 0,9%, а финансиските расходи пак се намалени за 24,2% во однос на 2020 година“, велат од компанијата.
ПОВРЗАНИ ВЕСТИ
„Европа“ ја зголеми добивката за 100% во првите три месеци од годинава
Промени во Одборот на директори на „Европа“