Голем број европски политичари предложија претседателот на Украина, Володимир Зеленски да биде номиниран и да ја добие Нобеловата награда за мир за 2022 година, се наведува во нивното писмо објавено на специјалната веб-страница nobelprizeforukraine.
Актуелни и поранешни политичари, европратеници, го повикаа норвешкиот Нобелов комитет да ја преиспита процедурата за номинирање за Нобеловата награда за мир за 2022 година и да го продолжи рокот за пријавување за да има време на листата да се додаде и Зеленски.
Прес-службата на Норвешкиот Нобелов комитет објави дека оваа година за Нобеловата награда за мир се номинирани 251 поединец и 92 организации.
Рускиот новинар и главен уредник на „Новаја газета“, Дмитриј Муратов и филипинската новинарка Марија Реса ја добија Нобеловата награда за мир за 2021 година.
ПОВРЗАНИ ВЕСТИ
(Видео) Комедијата „Слуга на народот“ во која Зеленски глуми претседател ќе се емитува на Канал 5
(Видео) Како Украинците му одаваат почит на загинат војник, снимка која го обиколи светот
МИА/Фото: Зеленски/Фејсбук