„Фершпед“ АД Скопје за периодот јануари – јуни 2018 година оствари оперативна добивка во износ од 74.704.000 денари, соопшти компанијата преку Македонската берза.
Остварените вкупни приходи за периодот јануари – јуни 2018 година изнесуваат 1.667.972.000 денари и во споредба со остварените вкупни приходи за истиот период 2017 година бележат раст од 9%.
Вкупните расходи за периодот јануари – јуни 2018 година во износ од 1.589.143.000 денари бележат раст од 6 % во однос на вкупните расходи за истиот период 2017 година. Оперативните расходи во првото полугодие од 2018 година изнесуваат 1.584.488.000 денари и истите се зголемени за 6 % во однос на првото полугодие од 2017 година.
Остварената нето добивка за периодот јануари – јуни 2018 година изнесува 75.584.000 денари.